香港新浪網 MySinaBlog
島居博思 | 10-Apr-11, 9:54 PM | 光影記事 | (57 Reads)

島居博思 | 06-Apr-11, 12:18 PM | 島居隨筆 | (250 Reads)

遊南生圍,3位年青人攔路,拿著i-phone,語言含混,猜想請我幫忙拍照,不不不,她們請幫忙做功課。

「去完南生圍嘞,你有乜睇法?」

咪住,乜野學校?

「xx大學,做功課」

問幾句啫係嗎?

「一兩句關於環保的意見調查,攞嚟做功課。」

咁問啦。

「請問你去完南生圍覺得點?」

好好,好舒服。

「仲有呢?」

好寧靜,好自然。

「仲有啲乜野?」

你想問乜野?

「你有乜嘢反思?」

呢個詞語好模糊。

「你有乜野關於環保的反思?」

反思呀?香港仲有一啲地方咁樣好好,大家可以嚟親近大自然。

「你覺得有乜要改善?」

冇乜野要改善。

「你有乜野不滿?」

我冇不滿,呢度好好吖,可以有乜野不滿。

「你覺得政府要做乜嘢嚟改善環境?」

改善邊度環境?

「......」

改善南生圍?

「係囉係囉,有乜野野可以改善南生圍?」

唔需要改善,唔理已經好好。

「你唔覺得政府有責任做野,做啲野,為市民做野咩?」

我覺得我已經答左,而且仲答得好好添。

「唔該晒你。」

唔使唔該。

(以為走得......)

 (閱讀全文)