「L先生我係妄想痕打嚟，多謝你使用我地服務。為左答謝L先生你一直對我地支持我地請你登入xxxx免費睇我地超過十三萬首歌既mv，仲有陳奕迅最近.....呢個服務由11月6號開始用到12月7號，完全免費。」

咪住，你係未到期之後就要我自動開始呢項服務，而且開始收錢？

「啊，L先生，如果你到時唔記得左通知我地都唔緊要，你試吓上去啦，係完全免費架。」

唔該你唔好俾呢項免費服務我，同埋你唔使等下個月到期，我而家可以決定唔會用你地呢項服務，包括而家你話免費用既一個月。

「L先生啲歌好好聽個喎.......」

唔使多講。我講左唔要，連聽日開始既免費一個月都唔要，你唔好自動當係你俾就同我聽日開始左佢。

***          ***          ***

「L先生，你好，我代表痕身銀行打嚟，恭喜你呀R先生，你通過左我到抽籤成為一萬個客戶裡面俾我地抽到既幸運兒，R先生我地會俾一個特惠計劃你......」

多謝你阿小姐我唔需要。

「R先生你唔好收線住R先生阻你一分鐘，R先生你知唔知人生係無常......」

阿小姐，我知人生無常，不過你連我個姓都搞錯左咁多次，我估你地搵錯人....

「唔好意思呀Q先生講錯你個姓，呀呀呀唔係Y先生，人生有好多意外，呀唔係，R、R、R先生唔好收線住呀，估唔到架野真係好多既人生.....」

***          ***          ***

 「L先生你好，我地係樁人信用咭打嚟，你成為左我地尊貴客戶我地而家有一個幫你湊錢既保險計劃。」

小姐，我唔需要，多謝先。

「L先生你聽我講你而家每個月用信用咭湊485蚊十年之後我地會俾番1%純利俾你即係58782蚊你諗下係未好好呢？！」

小姐多謝你好意，我收線勒。

「先生先生咪住等陣等陣請你聽我講埋先你知唔知人生好多野講唔埋我地只係想幫你湊錢....」

小姐未來十年你知唔知道自己會點？

「就係唔知會點所以要湊到58782蚊就好好。」

小姐你個人五年內有乜大計你講唔講到？

「嗯.........我會點？嗯......人生真係好多野講唔埋......」